Ræræræ...

Ég getg ekki gift mig fyrr en prestar samþykkja brúðkaups fólks af sama kyni. Ég á ekkert nema systur til að hlaupa í skarðið...

Ölvuðum brúðguma sagt að hypja sig; bróðir hans kvæntist í staðinn

Hægar...

Það gengur heldur hægar en ráð var fyrir gert að koma Mávahlíðinni í sómasamlegt horf.

...

 

Nessí

Þessi síðasta vika er búin að vera stór hjá Ljósvellingum. Máliríið og allt föndrið í Mávahlíð er að vinda dáldið upp
á sig og verða aðeins smeira en í upphafi var búist við. Það þarf að skipta um sílíkon í flestum gluggum svo dæmi sé tekið og það seinkar dálítið framkmvæmdaáætlun. En það gerir litið til því ég er orðinn eins og Nadia, ég er orðinn svo flínkur með verkfærin mín. Mamman er búin að vera í svaka skólatörn. Skilaði Ritgerð á miðvikudag og tekur heimapróf í dag sem á að skila á morgun. og svo er Kolbeinn Skúli bínn að vera lasinn lika. Tengdaforeldrarnir eru búnir að vera ómetanlegir í að sjá um barnið meðan ég leik Nödiu og Mamman stúderar.

-------

Eionu sinni vann ég í húsinu sem brann. Það var löngu áður er það hét Pravda. Meira að segja líka löngu áður en það hét Astró. Það var á árunum ´89 til ´92 þegar var í húsinu ítalskur veitingastaður sem hét Pisa. Toppstaður sem var gríðarlega vinsæll með frábærum mat. Áður var til húsa þar veitingahúsið Sælkerin, sem var líka Ítalskur en ekki næstum eins góður, og þar áður var eðal hamborgarabúllan Nessí sem hét eftir Loch ness skrímslinu. Þannig að þegar Villi borgarstjóri segir að þarna hafi glatast mikil menningarsöguleg verðmæti hefur hann rétt fyrir sér.

Málimálimáli

Nú fer ekki á milli mála að nú er málið að mála eins og málóður málaliði. Ef einhver hefur áhuga á að grípa í pensil eða rúllu er bara að hafa samband...

svik og prettir

Merkilegt hvernig sumir stjórnmálaflokkar komast alltaf upp með að taka annarra flokka kappsmál og gera þau að sínum og vinna þannig til sín fylgi. Síðan ná þessir sömu flokkar völdum vegna þess að fólk heldur að þeir séu líka með þessi kappsmál annarra flokka á sinni stefnuskrá. Síðan svíkja sumir flokkar öll þau loforð sem þeir tóku upp á sína arma frá öðrum flokkum. Efna síðan þau loforð sem aðrir flokkar standa gegn og kemur fólki illa. Þetta er í raun dáldið lymskulega gert og kannski ekki skrítið að kjósendur sjái ekki í gegnum þetta í fyrsta sinn sem, þetta er gert. En nú eru sumir flokkar búnir að gera þetta nokkrum sinnum og alltaf komast þeir upp með það.

Ég er búinn að sjá í gegnum þetta...

TVEIR DAGAR...

TVEIR DAGAR....

Trésmiður óskast!

Er einhver sem þekki smið sem er vandvirkur og sniðugur og rukkar ekki hvítuna úr augunum fyrir að smíða plötu á eldhúsbekkinn í mávahliðinni?

Málning og Maraþon

nú er mikið um að vera hjá Kolbeini Skúla. hann er rétt í þann mund að fara að skríða. hann er farinn að geta ferðast um á eigin verðleikum og er afar duglegur að koma sér á milli staða og sérstaklega góður í að ná taki á því sem hann má ekki ná taki á. það getur veri mjög sniðugt að fylgjast með kauða skríða um eins og selur og mjaka sér út í horn til að bíta í snúrur eða annað lauslegt. og það er ekki skrítið að hann bíti því það eru komnar þrjár nýjar tennur bara í seinustu viku. Tennurnar eru þar með orðnar fimm í allt. Fimm tennur hvorki meira né minna! Og þeger maður er með fimm tennur þarf að naga allt sem tönn á festir.
Það sló smá skugga á fagnaðarlætin með tennurnar að fá kvefpest og hita með því. minn maður var dáldið rauður í framan og þurfti að láta halda dáldið mikið á sér. Að öðru leiti virtist hann ekki taka mjög nærri sér veikindin, nema honum fannst dáldið erfitt að sofna á kvöldin.

Við erum annars nokkuð hress. Fáum afhenta Mávahlíðina næsta laugardag og hlökkum mikið til að komast þangað og skrapa og mála. Við erum búin að nota tímann vel og viða að okkur heimilistækjum á spottprís á útsölum, enda með eindæmum hagsýn fjölskylda. Allir sem vetlingum geta valdið eru velkomnir í Mávahlíð 44 til að hjálpa til við að mála. það verður boðið upp á léttar veitingar fyrir áhugasama og duglega málarameðhjálpara...

-------

Á föstudaginn langa fórum við í matarboð/partý í Hafnarfjörð þar sem saman var komið einvala lið skemmtikrafta. Þar var meðal annara fólk sem hefur reynslu af Maraþonhlaupum og það verður að viðurkennast að mér brá dálítið við lýsingarnar. Þau bentu mér á allskonar hluti varðandi Maraþonhlaup sem mér hefði aldrei dottið í hug, hvað þá haft áhyggjur af. Til dæmis hefði mér aldrei dottið í hug að manni yrði mál að pissa í miðju víðavangshlaupi og eftir því sem þau sögðu frá er það nokkuð algengt að Maraþonhlauparar pissi í stuttbuxurnar sínar í miðju hlaupi. Aldrei hefði mér heldur komið til hugar að líma plástur eða einhversskonar teip yfir geirvörturnar til að varna því að þær verði eitt flakadi sár. Það er víst nefnilega enn algengara að það blæði úr geirvörtum fólks í maraþoni heldur en að það pissi á sig.
Ég hélt að það yrði nógu erfitt að ná upp þoli til þess að hlaupa maraþon en grunaði aldrei að það þyrfti að huga að svona mörgu öðru. Hvað ef maður þarf að gera númer 2?

Atvinnuskapandi

Menn eru að halda því fram að án stóriðju yrði hér á landi gríðarlegt atvinnuleysi og öll þessi álver þurfi að byggja til þess að skapa ný störf.

Ég er með betri hugmynd. Ég legg til að þeir sem standi í viðskiptum verði skikkaðir til þess að nota reiðufé í öllum sínum viðskiptum. Hætta þessu millifærslurugli öllu saman. Þetta getur skapað fullt af fólki atvinnu. Í fyrsta lagi þarf að reisa stórar prentsmiðjur til að prenta alla þessa peninga. Prentsmiðjur eru mun hentugri stóriðja heldur en álver því það þarf ekki næstum því eins mikið rafmagn til að knýja þau og þeim fylgir ekki eins mikil mengun. svo akapast líka störf við að telja peningana þegar viðskipti eiga sér stað. Teljarar myndu fljótlega verða eftirsóttir og ég held að þeirra laun verði há. Svo vantar sendibílstjóra til þass að keyra á milli þessar háu fjárhæðir. Skemmur og geymslur fyrir bankana til þess að geyma góssið í og svona má lengi halda áfram. Hellingur af iðnaðarstörfum sem myndu skapast við þessa breytingu.

Kaupþing að kaupa í Glitni