Hafnfirðingar segið NEI!

Andstæðingum stækkunar álversins í Straumsvík barst óvæntur liðsauki í gær þegar Seðlabankastjóri gaf það út að ef af stækkun yrði og ef annað álver yrði byggt í Helguvík myndi seðlabankinn halda stýrirvöxtum jafnháum og jafnvel hækka þá. Sem myndi hafa þær afleiðingar að verðbólga héldist jafná og hún er í dag.

Það er því orðið ljóst að það er enginn sem hagnast á stækkun álversins nema alcoa og engin haldbær rök með stækkun. Helstu rök þeirra er að það skapis störf í Hafanarfirði, að tekjur hafnafjarðabæjar vegna álversins muni aukast mikið og að mengun verði minni en menn haldi.

Atvinnuástand í Hafnarfirði er prýðilegt. Ég veit ekki betur en stór hluti þess vinnuafls sem álverið hefur í dag sé aðflutt. Bæði erlendis frá og annars staðar af landinu. Og ef við tölum um atvinnusköpun álvera þá sá ég það í fréttum um daginn að ástandið á öldrunnar og hjúkrunnarheimilum á austurlandi sé þannig að það þurfi að loka þar heilu deildunum af því að það sé ekki til neitt fólk til þess að vinna þar. Fyrir hverja er þá verið að skapa atvinnu? væri ekki nær að í staðinn fyrir að byggja endalaust virkjanir fyrir almannafé til þess að gefa álverum væri almannafé kannski notað til þess að fá fólk í vinnu á téða spítala?

Að mengun verði óveruleg eru fáránleg rök til uppbyggingar ástæðulausrar stóriðju. Látum vera ef líf  tugþústunda ylti á því hvort það væri byggt. Þá gætu þessi rök möguleg átt við. En nú er það bar aekki svoleiðis. það á enginn eftir að svelta þó ekki verði stækkað og þessvegna alger óþarfi að fórna náttúrunni.

Ég hver alla Hafnfirðinga sem ég þekki að mæta á kjörsta á morgun og bjarga náttúru landsins frá yfirgangi stórfyrirtækis. Kjósið NEI við stækkun álversins

 

 

 

Komin "heim"

Þá erum við komin heim úr ferðalaginu. Fyrir þá sem ekki vissu þá skal það hér upplýst að við skruppum til kaupinhafnar og dvöldum þar í viku. Hér til hliðar er komið nýtt albúm sem heitir kaupmannahöfn. Þar má skoða myndir af herlegheitunum.

Sko bara

Eftirfarandi er færsla tekin af bloggi dr. Gunna.

 

Þar sem við Lufsan sátum hnípin og átum California club á Grillhúsinu mátti sjá fína fólkið arka skælbrosandi inn í fínt samkvæmi í Listasafni Íslands. Búið var að kveikja á tveimur stærðar bálkestum og maður í smóking tók á móti gestum. Eini sem ég kannaðist við var Hreiðar Mar í KB, en þetta leit allt eins út og hann plús uppstrílað kvenfólk í galadressum. Sá ekki Elton en Bogomil var þarna. Kannski var verið að halda upp á að olíuforstjórarnir væru sloppnir? Það ku annars helvíti gott að troða upp á svona giggum. 10 mínútna grínatriði á 100.000 og veislustjórn örugglega á millu. Maður þarf einhvern veginn að komast inn í millaklíkuna. Byrja að hanga á Vox og svona sjá hvort það séu ekki lausar stöður í einhverju. Bara rugl að vera í daglaunavinnu við hliðina á þessu.

 

Áhugavert...! 

 

dægurlaga þýðingar

Ég heyrði í útvarpinu áðan að spaðarnir hafi ætlað sér að gera íslenska þýðingu á "house of the rising sun" þeir þýddu titilinn á laginu og bjuggu til nýt lag. Lagið heitir...

..."Hjásof er æsing sönn" 

Svona dásamleg þýðing hefur ekki heyrst síðan "þrjú tonn af sandi" var og hét

Vorið er komið

Vegna nagandi samviskubits lét ég skipta um dekk á bílnum okkar í síðustu viku. Það fylgdu nagladekk með bílnum þegar við keyptum hann og þótt okkur hafi verið meinilla við að aka um á negldum dekkjum fannst okkur við ekki geta annað afþví að þau voru til. Núna upp á síðkastið er búin að vera mikil umfjöllun um sfifryk í borginni og ég mundi ekki til þess að það hefði fryst í meira en mánuð. Meira að segja einn daginn þegar ég var á leiðinni í vinnuna var 10 stiga hiti og sól og páskaliljur farnar að gægjast upp úr moldinni í  Krosshömrum! Mér fannst því tilvalið seinasta föstudag að leggja nagladekkjunum, enda farið að vora. Ég var nokkuð viss um að ég væri í góðum málum. Friða samviskuna vegna svifryksmengunnar og leggja mitt af mörkum svo það gæti vorað.

Síðan ég setti sumardekkin undir er búið að snjóa alla dagana nema einn...

Vinnan göfgar manninn

í dag birtust dómar um VOX í Gestgjafanum. Við erum mjög ánægð með þá og hyggjumst skála í Kampavíni að því tilefni. Hvet alla sem geta nálgast gestgjafann að kynna sér málið og jafnvel fá sér líka kampavín ef þeir vilja....

Í hnotskurn er u dómar svona

Útlit 9 af 10

matur 9 af 10

þjónusta 8,5 af 10

Þetta er meðaltal þeirra einkunna sem dómararnir tveir gefa okkur. Annar þeirra dregur okkur niður um einn heilann í þjónustu fyrir það að honum fannst við gefa honum brauðið of seint, en það var það eina sem þeir í raun fundu að.

Bara að spá...

 Nú hef ég bætt talsvert á mig upp á síðkastið, er líklega kominn 20 kíló yfir kjörþyngd. Ég átta mig á þessu og finnst ekkert að því að fólk ræði það við mig, sem kemur oft fyrir. Setnigar eins og: "helvíti ertu orðinn pattaralegur" eða: " Þarftu ekki að fara að gera eitthað í þessari bumbu" er nokkuð algent að heyra. Ég hef hins vegar aldrei heyrt nokkurn mann, né konu, segja neitt þessu líkt við konu sem hefur fitnað. Hverju ætli þetta sæti? Ætli sé gengið út frá því að konur séu viðkvæmari fyrir þessu? Eða ætli fólk haldi að konur séu það vitlausar að þær taki ekki eftir þvi að þær fitni?

 Persónulega þá kann ég ekki við að segja neitt þessu líkt, hvorki við konur né karla.

Ekki eins góður dagur og í gær

Í gær fórum við í mat til Þórunnar og Þorvaldar. Mjög gaman, góður matur en í dag erum við að borga fyrir það dýru verði með timburfóki

Þetta og hitt

Það er nú meira hvað þetta gengur illa hjá mér þetta blogg. Það er samt allskonar í gangi sem ég gæti vel haft skoðun á. Ég hef alveg talsverða skoðun á Ríkistjórnardramanu og gæti vel skrifað um það langa pistla eins og margir hafa  nú þegar gert á þessum og hinum bloggum. En ég kýs að sleppa þvi að tjá mig neitt frekar um það öðruvísi en að segja: Stormur í vatnsglasi.

 Ég gæti líka sagt frá því hér hvernig var á Food&Fun hjá mér í vinnunni en aftur kýs ég að hnoða því saman í eina viðeigandi setningu, orð meira að segja: Búið!

Nenni heldur ekki að tjá mig mikið um Kaupmannahafnarfeðina sem ég fór í daginn eftir að Food&Fun lauk að öðru leiti en því að: Heiðrún þú ert frábær!

Það er undarlegt, dáldið skelfilegt jafnvel (var búinn að skrifa "það er fríkað, dáldið skerí jafnvel" en ákvað að fara aðra leið) hvað það er mikið að gerast hjá Kolbeini Skúla nú um þessar mundir. Eins og fram hefur komið er ég búinn að vera að vinna mikið upp á síðkastið, hef rétt komið heim til að sofa, og mér finnst stundum ens og ég hafi misst af nokkrum vikum í lífi drengsins. ÉG var búinn að segja frá því að hann væri farinn að rúlla sér markvisst um allt hús. Hanner líka farinn að fatta og verða fúll ef maður tekur af honum eitthvað dót sem hann er að leika sér með. Hann er líka farinn að borða (loksins) bæði kjöt og fisk og ég veit ekki hvað og hvað... Ég get ekki beðið eftir því að fara í fæðingaorlof þá get ég starað á drenginn allan daginn og fylgst með því hvað hann er að læra. Kannski gerist þá ekki neitt, eða a.m.k. mjög hægt eins og þegar maður er að bíða eftir að það sjóði í pottinum. Tekur miklu lengri tíma ef maður horfir á.

Ekkert nýtt að frétta af íbúðamálum. Status Qou í þvi. Gamla fólkið á að fá sitt afhent 15. mars og við stefnum að þvi að bíða á tröppunum að morgni þess dags tilbúin að bera okkar dót upp. Það er nokkuð íklegt reyndar að við þurfum að bíða eitthvað framyfir páska, en það þarf víst að hafa það. Þau kannski drífa sig fyrr út með okkur á tröppunum. Kemur í ljós.

 Nú ætla ég að fara að gera heimaverkefnin mín. Ég er nefnilega á námskeiði í viðskiptaensku í Háskólanum í Reykjavík. Já ég er kominn í háskóla! Fyrst eru fjórar vikur í orðaforða og ritun (skriftir)  og um leið og það er búið tekur við talþjálfun í aðrar fjórar, þannig að þetta verður frekar stutt háskólanám í þessari lotu. En studum veltir lítil þúfa þungu hlassi og enginn veit sína ævina fyrr en öll er en víst er þó að bókvitið verður ekki í askana látið þannig að maður er ekki alveg viss um hvað skal til bragðs taka.

But now homework...

Rúllubarn

Það hlaut að koma að því að maður kæmi aftur. það er búið að vera svo mikið að gera hjá mér að ég hef ekker komist í netheima. Allt gott að frétta, Kolbeinn er búinn að finna sér leið til þess að ferðast um. Hann er ekki farin nað skríða eða neitt svoleiðis heldur rúllar hann sér um allt. Þannig nú þarf aldrei að sópa gólfið í Krosshömrum, Kolbeinn sér um það...

 

Kem með frekari sögur síðar, er að drukkna í Food and Fun og allskonar rugli